Fjellføring
Bli med på tur!
Den flotte naturen rundt oss har godt med merka turstiar. Dagsturar som høver for alle.
Vest-Jotunheimen Fjellføring er behjelpeleg med det meste.
Kontakt: Petter Arnt Løvdahl Tel. +47 57 66 33 60 / +47 91 56 79 24 email: lovdahl@online.no
Nokre forslag:
Hjelle--Avdalen--Hjelle
Turen går frå Utladalen Naturhus, Informasjonssenter for landskapsvernområdet, og kryssar tre bruer over Utla. Opplev Avdalsfossen! Like etter tredje brua tek ein av til venstre ( god skilting), og går i stigning i ca. 35 min. Avdal Gard har servering og overnatting. Fine naturstiar frå garden.
Her finn ein geitekillingar, høns og hestar.
Ta med førar og opplev ein luftig tur til garden opp gjennom Avdalskåri.
Avdal Gard: tlf. 94 57 08 29
Hjelle--Gravdalen--Hjelle
Følgjer same veg som til Avdalen, og vidare langs sti til Vårstølen. Kryssar elva Slufsedøla og går vidare opp til Gravdalstølen, 850 m.o.h. Årdal Turlag har ubetjent hytte her. Kontakt Avdal Gard for leige, tlf. 94 57 08 29
Hjelle--Vettisfossen--Hjelle
Vi går etter "Folkevegen" til Vetti Gard og Turiststasjon, vidare på sti fram til Vettisfossen. Spanande og flott tur der ein får sjå fossen nedanfrå.
Årdalstangen - Byttejuv
Turen startar med bil frå Årdalstangen til Seimsdal, Etter ca 9 km biltur går turen vidare til fots frå ca 500 m.o.h. til ca. 1350 m.o.h. , Byttejuvet. Herifrå er det utsyn til Jostedalsbreen i vest, Hurrungane i nord, høgdene mot Filefjell i syd-aust, og eit flott syn over Øvre Årdal.
Hjelle - Hjelledalen - Vettismorki - Hjelle
Turen startar ved Hjelle, og følgjer sti oppover på austre ( venstre) side av Hjellefossen. Frå Hjelledalsbrotet er det flott utsyn over Utladalen.
Vidare til Heimre Hjelledalstølen, og etter god sti til Fremre Hjelledalen. Opp til Øytjern, 950 m.o.h. Vidare gjennom Morkaskaret og ned til Vettismorki. Her er det sjølvbetjent hytte. Vi anbefalar turen ut på "Utsikten" får å sjå Vettisfossen. Vidare etter stien ned Vettisgaldane til Vetti Gard og Turiststasjon. Følgjer så "Folkevegen " tilbake til Hjelle
|